PRETI
A Messa, tuti no pole stare tacà al prete.
Chi va a Roma e porta on borsoto, deventa abate o vescovo de boto.
Co' se xe morti, San Michele pesa le àneme e i preti i candeloti.
Come che xe grossa la candela, i preti alza la ose.
Confessori e bròcoli i xe boni fin a Pasqua.
Davanti al prete, al dotore e a on capitelo càvate senpre el capelo.
Dotori e preti no dà mai gnente a nissun.
El bon vin se trova dal paroco.
Fin che ghe xe pan in convento, frati no manca.
I preti fà bòjare la pignata co le fiame del purgatorio.
I siuri more de fame, i poariti de indigestion, i frati de caldo e i preti de fredo.
L’amigo del prete perde la relijon, l’amigo del dotore perde la salute, l’amigo del’avocato perde la causa.
La panza d'i preti xe el zimitero d'i capuni.
Morto on papa se ne fà 'nantro.
Odio de preti, vendeta de frati e rogna de ebrei, miserere mei.
Par on frate scontento no se sara el convento.
Predica curta, sopressa longa.
Prete in capela, novità bela.
Prete, dotore e comare, no te ne ingatejare.
Quando canbia on prete, tra fare e desfare l'è tuto on laorare.
Sa pì el papa e on contadin che el papa da elo solo.
Sa volì védare el diluvio universale, metì dodese preti a tola a magnare.
Sbaglia anca el prete a dir messa.
Senza stola no se confessa, senza schei no se canta messa.
Vàrdate da prete, contadin, da comare, vizin e da aqua par confin.
SANTI
A 'la Madona del Rosario el pitaro* de passajo.(6/10)
A 'la Madona i pitari ne sbandona.
A 'la Madona le quaie ne sbandona.
A 'la prima Madona le se smorza, a 'la seconda le se inpiza. (15/8 - 8/9)
A 'la Salute se veste le bele pute.(21/11)
A chi che no ghe piase el vin , che Dio ghe toga anca l'aqua.
A l'Ave Maria ogni òpara xe conpia.
A l'Imacolata se scumizia l'invernata.
A la vizilia de San Joani piove tuti i ani.(24/6)
A San Baldoin se fa el vin.
A San Bassan on fredo da can.(19/1)
A San Belin el jazo sol caìn.(12/10)
A San Benedeto la vegna su par el paleto.
A San Benedìo le ròndene torna indrio.(21/3)
A San Bernardin fiorisse el lin. (20/5)
A San Bonaventura el medare* l'è finio in pianura. (15/7)
A San Bovo se ronpe el primo ovo. (2/1)
A San Clemente l'inverno mete el dente.(23/11)
A San Crispin se pesta el vin.(25/10)
A San Donato el fredo l'è fato. (7/8)
A San Firmin, sòmena el contadin. (11/10)
A San Francesco i tordi i va de furia.(4/10)
A San Gioachin el primo freschin. (20/8)
A San Gorgon passa la lòdola e 'l lodolon.(9/9)
A San Gorgon xe finio el tenpo bon.
A San Luca el ton el va in zuca.(18/10)
A San Luca le lòdole se speluca.(18/10)
A San Martin casca le foje e se beve el bon vin.
A San Martin el mosto deventa vin.
A San Martin se calza el grande e anca el picenin.(11/11)
A San Martin se spina el bon vin.
A San Martin, castagne e vin.
A San Matìo el bel tenpo xe finio. (21/9)
A San Matìo el primo tordo xe mio.
A San Modesto el fredo vien col zesto. (12/1)
A San Nicòlo tira la neve sol colo.(6/12)
A San Pelegrin, poca paja e poco vin. (5/5)
A San Roco le nose le va in scroco.(16/8)
A San Roco le quaie le va de troto.
A San Roco le ròndene fà fagoto.
A San Saturnin la neve sol camin.(28/11)
A San Simon le lòdole a valon.(28/10)
A San Simon se cava la rava e 'l ravanon.(28/10)
A San Tizian on fredo can. (16/1)
A San Valentin el giazo no tien gnanca pì on gardelin.(14/2)
A San Vio le zarese le ga el marìo.
A San Zen, somenza in sen.(12/4)
A Sant'Agnese el fredo passa le sfese. (21/1)
A Sant'Ana el rondon se slontana.(26/7)
A Sant'Ana le nose va in tana.
A Sant'Andrea el fredo el monta in carega.(30/11)
A Sant'Andrea se veste tuta la fameja.
A Sant'Antonio (Abate) on passo* de demonio.(17/1).
A Sant'Antonio dala barba bianca o piova o neve no la manca.
A Sant'Erman le arte* in man. (8/2)
A Sant'Isaco, el formento fora dal saco.(19/10)
A Sant'Ubaldo se fa vanti el caldo.(16/5)
A Sant'Urban el formento el fa el gran.
A Santa 'Fema, se scumizia la vendema.(s. Eufemia, 16/9)
A Santa Catarina el fredo se rafina. /25/11)
A Santa Catarina el jazo so la pissina.
A Santa Catarina la neve se inchina.
A Santa Caterina se tira zo la scaldina.(25(11)
A Santa Crose, pan e nose.(14/9)
A Santa Fiorenza xe oncora bona la somenza. (27/10)
A Santa Liberata freda l'invernata.(18/1)
A Santa Lucia la note pì longa che ghe sia.(13/12).
A Santa Madalena la nosa xe piena.(22/7)
A Santa Madalena piove apena.
A Santa Madalena se taja l'avena.
A Santa Pologna la tera perde la rogna. (9/2)
A Santa Toscana el riso el va in cana. (14/7)
A Santa Toscana i rondoni se slontana.(14/7)
Ai du passa la nuvola del Perdon. (2/8)
Ai Morti e ai Santi i corvi sbandona i monti e i vien a pascolare ai canpi.
Ai santi veci no se ghe inpiza candele.
Al dì d'i morti la neve xe ale porte.(2/11)
Ala Madona de Agosto rinfresca el bosco.(15/8).
Ala vizilia de San Piero vien fora so mare.(29/6)
Bisogna inpizare na candela al demonio e una a Sant'Antonio.
Candelora, de l'inverno semo fora.
Carnevale e Quarésema, par el pitoco xe la medesema.
Che Dio el ne varda dal seco tra le do Madone.
Chi ciama Dio no xe contento, chi ciama el diavolo xe disperà, chi dise ahimè xe inamorà.
Chi dà ai pòvari inpresta a Dio.
Chi ladra, Dio ghe dona; chi no ladra, pioci e rogna.
Chi sparte e no se ne tien, el Signore no ghe vole gnanca ben.
Co l'Adolorata se va verso l'invernata.
Co' i ga voltà el messale la messa pì no vale.
Co' riva le Madone tute le zuche le xe bone.
Co' se xe morti, San Michele pesa le àneme e i preti i candeloti.
Confessori e bròcoli i xe boni fin a Pasqua.
Da la Befana la rapa xe vana.
Da San Giorgio se sòmena l'orzo. (23/4)
Da San Marco la vigna buta l'arco.(25/4)
Da San Martin a Nadale ogni poareto sta male.
Da San Matia oncora neve par la via.
Da San Matio ogni fruto xe bonio.
Da San Valentin guerna l'ortesin. (14/2)
Dai Santi tote sierpa e guanti.
Davanti al prete, al dotore e a on capitelo càvate senpre el capelo.
De la Candelora el dì cresse oncora.
De la Salute meti le maneze ale pute.
De la Sensa le granseole fà partensa.
De Pasqua no ghe xe galina che no faza.
De San Luca pianta la rapa e cava la zuca.
De San Martin se sposa la fiola del contadin.
De San Martin se veste el grande e anca el picenin.
De San Michele la piova la bagna la pele.
De San Michele se calza le brute e anca le bele. (29/9)
De San Piero el formento e anca el pero.
De San Tomìo le zornade torna indrio.
De San Valentin fiorisse el spin.
De Sant'Antonio el formento indora. (13/6)
De Sant'Urban la segala conpisse el gran.
De Santa Giustina tuta la ua xe marzemina.
Del Pardon (d'Assisi) se trà la zapa in t'on canton.
Dele volte el Santo xe grande, ma el miracolo xe picolo.
Dio li fà e po' li conpagna.
Dio manda el fredo secondo i pani.
Dio me varda dala rabia dei boni.
Dio te varda da on magnadore che no beve.
Dio te varda dal vermo del fenocio e da chi che ga on solo ocio.
Dio vede e Dio provede.
Dopo i Santi, fora el tabaro e anca i guanti.
Dopo la crose na pèrtega par le nose.
El miracolo no fà el Santo.
Falo de mèdego, volontà de Dio.
Faustin, poco pan e tanto vin.
Fin a Nadale magnemo verze e rave.
Fin dai Santi sòmena i canpi.
I du Santi del giazo: San Luigino e San Paolino i porta l'Inverno de Giugno.
I ovi xe boni anca dopo Pasqua.
I Santi novi scalza i veci.
Incalmà in onore de San Francesco, se no'l taca de verde el taca de seco.
I Santi de casa no fà miracoli.
L'altissimo de sora ne manda la tenpesta, l'altissimo de soto ne magna quel che resta, e in mezo a sti du altissimi, restemo povarissimi.
L'aqua de San Gaetano la tole l'afano.(7/8)
L'aqua de San Giacomo la fà miracoli.
L'aqua de San Gregorio fà ranpegare la végna.
L'aqua de San Joani guarisse tuti i malani.
L'aria de San Matìa (24/2) dura fin a San Giorgio, e l'aria de San Giorgio dura fin a S.Urban.
L'istà de San Martin dura tri dì e on pochetin.
L'omo propone, Dio dispone.
La piova de San Bernardin la roba pan, ojo e vin.
La piova del'Assension fà bela la stajon.
La strigheta mete le feste in sacheta.
La vigilia de San Joani piove tuti i ani.
Le canpane de San Martin vèrze le porte al vin.
Le zuche nate fra le do madone le xe le pì bone.
Nadale col mandolato, i Morti co la fava, Pasqua co la fugazza.
No ghe xe on sabo santo al mondo che la luna no gabia fato el tondo.
No ghe xe polastrina che par le feste de Pasqua no sia galina.
No se pole 'ndare in paradiso a dispeto di' Santi.
Novenbre, co San Martin ano novo par el contadin.
Ogni Santo juta.
Ogni Santo vole la so candela.
Par i Santi, neve sui canpi; par i Morti, neve sui orti.
Par l'Anunziata el rossignolo so la saca.
Par l'Anunziata la zuca xe nata.
Par San Barnabà el dì pì longo de l'Istà.
Par San Corado vèrzi la porta al caldo.
Par San Damàso el fredo al toca el naso.
Par San Domin sòmena el contadin.
Par San Fredian la neve la va al monte e al pian.
Par San Gioachin, l'ortolan nel camarin.
Par San Lorenzo la nosa xe fata.
Par San Matio le jornade torna indrio.
Par San Paolo el jazo va al diavolo.
Par Sant'Antonin, poca paja e poco vin.
Par Santa Cristina se sòmena la sajina.
Par Santa Fiorenza xe oncora bona la somenza.
Par Santa Pologna la tera la perde la rogna.
Par Santa Taresa prepara la tesa.
Par tuti i Santi, manegoti e guanti.
Pasqua vegna quando se voia, la vien co la frasca e co la foia.
Pifania, el pì gran fredo che ghe sia.
Piova de San Piero, piova col caldiero.
Piova de San Roco la dura poco.
Quando che l'Anzolo Michele se bagna le ale piove fin a Nadale.
Quando che piove el dì de San Gorgon, piove par na stajon. (9/9)
Quando piove par la Crose, bon el gran, triste le nose.
Quando semo a San Simon, ogni straza la vien bon.
San Bastian ga la viola in man.
San Benedeto ghe ne porta on sacheto*. (21/3)
San Biasio, el fredo va adasio.
San Biasio, ultimo barbon marcante de neve.(3/2)
San Bogo, la torta al fogo.
San Colonban el riva co la neve in man. (21/11)
San Gregorion el pole portare on robalton. (3/9)
San Mauro fà i ponti, Sant'Antonio li ronpe, San Paolo li fonda.
San Paolo ciaro inpinisse el granaro. (25/1)
San Paolo San Paolon, tote su la scala e va a bruscare el vegnon.
San Piero benedisse la tenpesta.
San Prodocimo e San Daniele marcanti de neve. (7/11)
San Valentin dal fredo fin, l'erba la mete el dentin.(14/2)
San Valentin, el jazzo no'l tien pì gnanca on gardelin.
San Vidale, marcante de piova. (28/4)
San Vincenzo, gran fredura; San Lorenzo, gran calura: l'uno e l'altro poco i dura.
Sant'Agostin, daghe el primo pontin. (28/8)
Sant'Agostin, taca le màneghe al bustin.
Sant'Antonin el vien lezièro: ormai semo ale asse sia in stala che in granaro. (10/5)
Sant'Antonio Abate se no ghe xe el jazzo el lo fà, se'l ghe xe el lo desfa.
Sant'Antonio Barbon (Abate) marcante de neve.
Sant'Antonio del paneto el vien col segheto. (13/6)
Sant'Antonio se ga inamorà de on porzeleto.
Sant'Omobon, neve o tenpo bon. (13/11)
Sant'Urban pastore de nuvole.
Santa Barbara benedeta, tien distante el fulmine e la saeta. (4/12)
Santa Eulalìa el fredo la porta via. /12/2)
Santa Fosca, se giazo la trova col fuso la scoa; se giazo no la ghe n'à catà, giazo la fà. (13/2)
Santa Giuliana el fredo se rufiana. (16/2)
Santa Giustina dela sgussetina. (7/10/)
Santa Luzzia el fredo cruzzia.(13/12)
Santa Madaléna, onguenti e balsami la ne insegna. (22/7)
Santa Poinara, la vecia (galina) sora la caponara.
Santi che pissa in tera no ghe n'è.
Scherza co i fanti ma assa stare i Santi.
Se 'l dì de San Martin el sole se insaca, vendi el pan e tote la vaca; Se 'l va zo seren, vendi la vaca e tiente el fen.(11/11)
Se a San Medardo piova, dopo quaranta dì rifà la prova. (8/6)
Se Dio no vole, gnanca i Santi pole.
Se fà belo a San Gorgon la vendema va benon.
Se fà fredo a San Luigino, farà caldo a San Paolino. (21/6-22/6)
Se Nadale vien senza luna, chi ga do vache se ne magna una.
Se no piove a San Medardo piove a San Gervasio. (19/6)
Se no te me vidi de San Giusepe patriarca, o che son perso o che son in aqua. (19/3)
Se piove a Pentecoste, tute le entrate no le xe nostre.
Se piove a San Bàrnaba la ua bianca la va via; se piove da matina a sera, va via la bianca e anca la nera. Se piove a San Duane se suga le fontane.
Se piove a San Giorgio ghe sarà carestia de fighi.(23/4)
Se piove a San Gregorion, piove tuta la stajon. (3/9)
Se piove a San Paolo e Piero, piove par on ano intièro. (29/6)
Se piove a San Vito e Modesto, la ua va torla col zesto.(15/6)
Se piove a Sant'Ana, la xe na mana.
Se piove a Sant'Urban ogni spiga perde on gran.
Se piove a Santa Bibiana, piove par quaranta dì e 'na setimana.
Se piove a Santa Desiderata, casca la ua e resta la grata. (14/6)
Se piove ai quaranta Santi, aqua par altretanti.
Se piove da la Madona, la xe oncora bona.
Se piove de San Duane, fen e paja deventa loame.
Se piove de San Gorgon, sete brentane e on brentanon.
Se piove el dì de San Gorgonio, autuno demonio.
Se piove el dì de Santa Crose el fà cascare le nose.
Se piove par San Vio al vin còreghe drio.
Se piove sole Palme no piove sui ovi.
Se San Michele no se bagna le ale, farà belo fin a Nadale.
Se San Michele se bagna le ale, piove fin a Nadale.
Se Sant'Antonio fa el ponte, San Paolo lo ronpe.
Se vènta* ai tri de Marzo e al dì de San Gregorio, vènta par quaranta dì. (12/3)
Se'l tona el dì de San Duane, le cuche va sbuse e le nosèle vane. (24/6)