MISI
A Jenaro tuti i veci va a ponaro.
A la luna de Setenbre la ua e el figo pende.
A le prime aque de Agosto la tortora la va via.
A Marzo ogni mato va descalzo.
A Setenbre se destaca tuto quel che pende.
A Setenbre, braghe de tela e moloni no i xe pì boni.
A Setenbre, chi xe esperto no viaja mai descuerto.
Agosto cola el pionbo.
Agosto conpisse, Setenbre madurisse.
Agosto madura, Setenbre vendema.
Agosto rinfresca el bosco.
Ai ultimi de Setenbre, i fringuei par la tesa.
Al mese de Jenaro la gata va in gataro.
Al primo de Agosto l'ànara se mete a 'rosto.
Ala Madona de Agosto rinfresca el bosco.(15/8).
Ala prima aqua de Agosto, pitoco te conosso.
Aprile ga el fiore, Majo l'odore.
Aprile la spiga, Majo el late, Giugno el gran.
Aprile piovoso, ano frutuoso.
Aprile tenperà e Majo suto, formento dapartuto.
Aprile, on'ora el pianze, on'ora el ride.
Aqua de Agosto, miele e mosto.
Aqua de Aprile, fromento sol barile.
Aqua setenbrina, velen par la cantina.
Aria setenbrina, fresca la sera fresca la matina.
Barbi e rane mai de Majo, parché i fa tristo passajo.
Beato l'Istà co tuti i pulzi e i zìmesi che'l ga.
Bon come l'aqua de Lujo.
Chi ghe ga on zoco sol cortile, lo tegna pa 'l mese de Aprile.
Chi che pianta de Aprile cava de Majo.
Chi nasse de Lujo no speta comare.
Chi vole on bel ajàro lo pianta de Jenaro.
Co' canta le zigàle de Setenbre no conprare gran.
Co' riva el trenta de Agosto tute le zuche le va 'rosto.
Co' toneza de Jenaro chi ga quatro vache se ne magna on paro.
De Febraro calche mato va senza tabaro.
De Febraro ogni gata va in gataro.
De Giugno miti la messora* in pugno.
De Marzo no bisognarìa che pissesse gnanca na rana.
De Novenbre, quando tona xe segnal de anata bona.
De Otobre, on bel oveto xe pì dolze de on confeto.
Dicenbre se tole e no rende.
Dicenbre, davanti el te scalda e de drio el te ofende.
El bon formajo se fà de majo.
El primo de Aprile, miti le zuche che le vien come on barile.
El sole de Agosto brusa i piantoni.
Febraro inevà fà bela l'istà.
Fevraro curto, erba da par tuto.
Fevraro curto, pezo de tuto.
Fongo de Majo, spighe de Agosto.
Giugno, Lujo e Agosto, né dona, né aqua, né mosto.
Gran fredo de Jenaro se incolma el granaro.
I du Santi del giazo: San Luigino e San Paolino i porta l'Inverno de Giugno.
I ùltimi de Jenaro, sèntate sol fogolaro.
Jenaro co la pòlvare, granaro de ròare.
Jenaro e Febraro i xe du misi che va a paro.
Jenaro suto, gran dapartuto.
L'aqua de Giugno ruina el munaro.
L'aqua de Majo ingrassa el formento.
L'aria de Febraro xe come on loamaro.
La neve decenbrina disisète volte la se capina.
Luna setenbrina sete lune se ghe inchina.
Luna setenbrina, sete lune la indovina.
Majo fresco e ventoso fà l'ano copioso.
Majo fresco, fava e formento.
Majo fresco, paja e formento.
Majo ortolan, tanta paja e poco gran.
Majo piovoso, vin costoso.
Majo suto, gran dapartuto.
Marzo el se fà vanti, el merlo el fà noze coi so canti.
Marzo spolvarento, poca paja e tanto formento.
Marzo suto e Aprile bagnà: beato chel contadin che ga somenà.
Marzo sventolaro fromento in granaro.
Marzo sventolon, more la piègora e anca el molton.
Marzo, par quanto tristo che'l sia, el buò al'erba e 'l cavalo al'onbrìa.
Mese de Agosto, colonbo rosto.
Na bona aqua de Febraro vale pì de on loamaro.
Nela luna setenbrina la sardela se rafina.
Neve de Jenaro inpina el granaro.
Neve novenbrina trédese volte la se rafina.
No vien Majo se no fiorisse le rose.
Novenbre col ton, l'ano xe bon.
Novenbre e Dicenbre benedisse Setenbre.
Novenbre, co San Martin ano novo par el contadin.
Piova de Jenaro, erba de Febraro.
Pòlvare de Jenaro la inpina el granaro.
Primavera de Jenaro la ruina el persegaro
Primo de Agosto, capo de inverno.
Quando a Novenbre el vin no xe pì mosto, la pitona xe pronta par el 'rosto.
Quando a Otobre scurisse e tòna, l'invernada sarà bona.
Quando el merlo canta d'amore Febraro finisse.
Quel che Lujo no vole, Setenbre no pole.
Se Febraro no verdéga in Aprile no se sega.
Se Giugno sguaza poco vin in taza.
Se Jenaro no fà el giazo, Febraro fà el pajazo.
Se Majo fà fresco va ben la fava e anca el formento.
Se Majo rasserena, ogni spiga sarà piena.
Se Marzo buta erba Aprile buta merda.
Se Marzo no incodega, a Majo no se sega.
Se Marzo resenta, fromento e polenta.
Se no fa caldo a Lujo e Agosto sarà tristo el mosto.
Se Otobre camina lento te pol èssare contento.
Se par Setenbre no te ghe arà, tuto l'ano xe malandà.
Se piove ai primi de Majo, nose e fighi fà bon viajo.
Se vènta* ai tri de Marzo e al dì de San Gregorio, vènta par quaranta dì. (12/3)
Starna setenbrina, una la sera e una la matina.
Suta de Agosto, tonpesta de Majo.
Tenca de Majo e luzo de Setenbre.
Vento de Majo, poco tormento.
MISTIERI
A canbiare munaro se canbia ladro.
A l'astuzia del munaro no gh'è mai nissun riparo.
A San Firmin, sòmena el contadin. (11/10)
Bieta e vin juta el segantin.
Botega de canton fà schei ogni cojon.
Chi arte no sà, botega sara.
Chi che fa el conto prima de l'osto el lo fa do volte.
Chi che ga on mistièro in man da par tuto trova pan.
Chi fà scarpe porta zavate.
Chi mistièro no sa botega sara.
Chi va a l'osto perde el posto.
Ciodo, martelo e segon: i miracoli del marangon*.
Co l'arte e co l'ingano se vive mezo ano; co l'ingano e co l'arte se vive staltra parte.
Co' l'osto xe sola porta no ghe xe nissuni drento.
El bon figo ga da vere camisa da pitoco, colo da picà e culo da pescadore.
El fogo juta el cogo.
El laòro dela sega el slonga i brazi e 'l scurza la tega.
El laòro fato de festa va fora par la finestra.
El marangon conosse el legno tristo e quelo bon.
El marangon laora senza stajon.
El marzaro*, prima el fà i schei e dopo la cossienza.
El moleta fà girare la rua, el cortelo intanto se frua.
El tenpo fà i mistieri.
Fare i mistieri che no se conosse i dìnari i deventa mosche.
I oci del spazacamin xe senpre bianchi.
In casa de pescaduri l'è on tristo pescare.
In t'el mistiero del munaro, tanto se roba co la stadiza che col staro.
L'aqua de Giugno ruina el munaro.
L'ortolan ga senpre tera in man.
L'ultimo che more de fame xe 'l munaro.
La camisa del spazacamin xe senpre sporca.
La morte xe senpre pronta, come le tole dei osti.
La pignata de l'artesan, se no la boje oncuò la boje doman.
La sega misura el brazzo.
La tera e i canpi li laora i ignoranti.
La zeola la xe la rufiana del cuogo.
Laòro de manareto poco e maledeto.
Laòro de sachi laòro da mati.
Laòro tacà finìo par metà.
Le parole del moleta no le vale on'eta.
Luna bassa, pescadore sicuro.
Luna in piè, marinaro sentà; luna sentà, marinaro in piè.
Marcante e porco stimalo dopo morto.
Marzo suto e Aprile bagnà: beato chel contadin che ga somenà.
Mèjo on sorze in boca a on gato che on omo par le man de on avocato.
No bisogna domandarghe a l'osto se'l ga bon vin.
Novenbre, co San Martin ano novo par el contadin.
O tardi o bonora, l'osto va in malora.
Ogni piataro dise ben del so pignate.
On lièvore fra du can, on contadin fra du avocati, on malà fra du doturi: chi sta pèzo de luri!
On omo in man del'avocato xe come on sorze in boca al gato.
Par ben lustrare ghe vole ojo de gunbio.
Par San Domin sòmena el contadin.
Par San Gioachin, l'ortolan nel camarin.
Pitosto che soto paron in nave, mèjo paruni de na sèssola.
Pitosto che'l palin, mejo el spazin.
Prima se varda el buso, po' se fà el caecio.
Quando ch'el xe tajà e inbastìo ogni cuco ghe va drio.
Quando che uno sa fare i capèi el pol farli par qualunque testa.
Se no ghe fusse chi che fà no ghe sarìa chi che magna.
Se no ghe fusse la cola e 'l stuco el marangon sarìa distruto.
Suòre de stradin e grasso de mussolin guarisse tuti i mali.
Tajo largo, sega streta.
Tanto xe marcante quelo che guadagna che quelo che perde.
Tra arte e busia se vende la marcanzia.
Tuti i mistieri fà le spese.
Vinti munari, vinti sartori e vinti osti fà sessanta ladri.