FRUTI
A la luna de Setenbre la ua e el figo pende.
A San Martin, castagne e vin.
A San Roco le nose le va in scroco.(16/8)
A San Vio le zarese le ga el marìo.
A Sant'Ana le nose va in tana.
A Santa 'Fema, se scumizia la vendema.(s. Eufemia, 16/9)
A Santa Crose, pan e nose.(14/9)
A Santa Madalena la nosa xe piena.(22/7)
A Setenbre se destaca tuto quel che pende.
A Setenbre, braghe de tela e moloni no i xe pì boni.
Agosto madura, Setenbre vendema.
Aprile sparesin, Majo saresin.
Chi vole el pomo sbassa la rama, chi vole la tosa careza la mama.
Da San Matio ogni fruto xe bonio.
De nose on saco, ma no pì de na fémena par casa.
De San Piero el formento e anca el pero.
De Santa Giustina tuta la ua xe marzemina.
Dopo la crose na pèrtega par le nose.
El bon figo ga da vere camisa da pitoco, colo da picà e culo da pescadore.
El fruto no'l casca mai lontan da l'àlbaro.
El pèrsego col vin, el figo co l'aqua.
El vilan el vendarìa el gaban par formajo, piri e pan.
Fighi e ùa, el culo se frùa.
Fiuri e fruti se pol tore da tuti.
I mèdeghi e le patate ga i fruti soto tera.
La casa no fà fighi.
La dona xe come la castagna: bela de fora, dentro la magagna.
La zaresa pi bona la xe quela del merlo.
Maroni e vin novo, culo mio te provo.
Maroni e vin novo, scoreze de fogo.
Né zarese, né galete in granaro no se mete.
No ghe xe farina senza sémola, nosèla senza scorza, gran senza paja e omo senza difeti.
Nose e done no se sa quale che sia bone.
Nose e pan, magnare da can.
Nose e pan, pasto da vilan.
On pomo de matina te cava el cataro e te fa pissare ciaro.
Pan e nose xe on magnare da spose.
Pan e nosele magnar da putele.
Par San Lorenzo la nosa xe fata.
Pèrsego e melon tuto ala so' stajon.
Quando che te magni la nèspola, pianzi.
Quando che'l vin no xe pì mosto, la castagna xe bona a rosto.
Quando piove par la Crose, bon el gran, triste le nose.
Se piove a San Bàrnaba la ua bianca la va via; se piove da matina a sera, va via la bianca e
anca la nera. (11/6)
Se piove a San Giorgio ghe sarà carestia de fighi.(23/4)
Se piove a San Vito e Modesto, la ua va torla col zesto.(15/6)
Se piove a Santa Desiderata, casca la ua e resta la grata. (14/6)
Se piove ai primi de Majo, nose e fighi fà bon viajo.
Se piove el dì de Santa Crose el fà cascare le nose.
Se'l tona el dì de San Duane, le cuche va sbuse e le nosèle vane. (24/6)
Tante nosèle, tanta neve.
Tèndare le tose e bàtare le nose xe tenpo perso.
Tenpo e paja fà fare i néspoli.
Vin, done e maroni bisogna gòdarli so' la so stajon.
GATI
Al mese de Jenaro la gata va in gataro.
Chi sparagna el gato magna.
Co'l sorze scanpa, la gata va al paese.
De Febraro ogni gata va in gataro.
El gato sol fogolaro xe segno de miseria.
El naso d'i gati, i zenoci d'i òmani e 'l culo dele fémene xe senpre fridi.
Gato sarà deventa leon.
Mèjo on sorze in boca a on gato che on omo par le man de on avocato.
No xe colpa dela gata se la parona la xe mata.
On ocio ala gata e staltro ala paèla.
On omo in man del'avocato xe come on sorze in boca al gato.
Quando ch'el gato dorme i sorzi bala.
Tien on ocio al pesse e 'nantro al gato.