OMANI
A l'amo se ciapa el pesse, i òmani a l'intaresse.
Bon naso, fà bel'omo.
Co l'età, l'omo fa panza e la fémena fa stomego.
Co la caveza se liga i cavai, co la parola i òmani.
Co' nasse na fémena, nasse na serva; co' nasse on omo, nasse on paron.
Co'l cavéjo tra al bianchin, assa la dona e tiente el vin.
Cusina che fuma, dona cativa e coverta rota manda l'omo in malora de troto.
El naso d'i gati, i zenoci d'i òmani e 'l culo dele fémene xe senpre fridi.
El pòvaro omo no fa mai ben: se more la vaca ghe vanza el fen, se la vaca scanpa e l fen ghe manca.
El pòvaro omo no l'è da conséjo: el parla ben e no'l xe scoltà, el parla male e 'l xe picà.
Fumo e dona ciacolona fà scanpare l'omo de casa.
I òmani ala guera e le vache in montagna no se garantisse.
I òmani ga i ani ch'i se sente, le done quei che le mostra.
I siùri more de fame se i poariti no sùa.
L'ocasion fà l'omo ladro.
L'omo da vin no 'l vale on quatrin.
L'omo el tien su on canton dela casa, la fémena staltri tri.
L'omo fà la dona e la dona fà l'omo.
L'omo maridà porta quatro "p": pene, pensieri, pentiminti e pecati.
L'omo pì bruto xe quelo che ga le scarsèle roverse.
L'omo propone, Dio dispone.
L'omo: che'l sia san, cristian e che'l sapia guadagnarse el pan.
La bona mojère fà el bon marìo.
La menestra xe la biava de l’omo.
La parola liga l'omo, la corda el musso.
Le montagne sta ferme e i òmani se move.
Mèjo on sorze in boca a on gato che on omo par le man de on avocato.
Mèjo picoli e ben conpìi che grandi e insemenìi.
Né la malatia, né la preson fà deventare l'omo bon.
No ghe xe farina senza sémola, nosèla senza scorza, gran senza paja e omo senza difeti.
Novantanove maridà fà zento bechi.
Ogni galo senza cresta xe on capon, ogni omo senza barba xe on cojon.
Omo de confin, o ladro o assassin.
Omo lodà, o morto o scanpà.
Omo maridà, oselo in gabia.
Omo vivo pagarà, omo morto ga pagà.
On omo in man del'avocato xe come on sorze in boca al gato.
Quando che l'omo xe pien de vin el te parla anca in latin.
Quando che l'omo xe stimà el pole pissare in leto e dire che'l ga suà.
Quando Dio vol castigar un omo el ghe mete in testa de maridarse.
Sa volì conossare na persona, vardè la dona al balo e l'omo al zogo.
Sete òmani no mena drento col caro quanto che na fémena la porta fora co la traversa.
Sola vita de on omo che'l sia on omo ghe xe senpre almanco na ostaria.
Vàrdate da l'omo che porta el recin e dala dona che sa de latin.
Xe pì le done che varda i òmani che le stele che varda la tera.
ORTO
A magnare on spigo de ajo, se spuza come a magnarghene na resta.
A San Simon se cava la rava e 'l ravanon.(28/10)
Aprile sparesin, Majo saresin.
Chi che ga le zuche no ga i porzei.
Chi magna salata fà la vita beata.
Chi vole on bel ajàro lo pianta de Jenaro.
Co' riva el trenta de Agosto tute le zuche le va 'rosto.
Co' riva le Madone tute le zuche le xe bone.
Da la Befana la rapa xe vana.
De San Luca pianta la rapa e cava la zuca.
Dio te varda dal vermo del fenocio e da chi che ga on solo ocio.
El primo de Aprile, miti le zuche che le vien come on barile.
El simile col simile, ma le verze co l'ojo.
Fin a Nadale magnemo verze e rave.
Ghe xe chi che magna le fave e chi che magna le sgusse.
I fasoi veci nasse in panza.
I fasoi xe la carne di' poariti.
I mèdeghi e le patate ga i fruti soto tera.
La salata la vole el sale da on sapiente, l'aseo da on avaro, l'ojo da on prodigo, smissià
da on mato e magnà da on afamà.
La zeola la xe la rufiana del cuogo.
Le zuche nate fra le do madone le xe le pì bone.
Le zuche vode le sta sora l'aqua.
Le zuche vode vien senpre a gala.
Majo fresco, fava e formento.
No ghe xe erba che varda in su che no gabia la so virtù.
O prima o dopo se fà anca le zuche.
Par l'Anunziata la zuca xe nata.
Quando che la zuca se ingrossa el pecòlo se seca.
Se Majo fà fresco va ben la fava e anca el formento.
Se'l tona el dì de San Duane, le cuche va sbuse e le nosèle vane. (24/6)
Xe mèjo cavarse on ocio che magnare el vermo del fenocio.
Verze e fasòi sbrega i nizòi.
Zuca santa che la canta e baruca che la sia muta.
Zuche e fen int'on mese i vien.