MORTI
A chi che ga denaro forte, quando l'è vecio se augura la morte.
Canpane a ore, calcun che more.
Chi che xe destinà par la forca no se nega.
Chi dà via el fato soo prima che'l mora, el merita la morte co la mazola.
Chi no more in cuna ghe ne inpara senpre calcuna
Chi va pian va lontan, chi va forte va ala morte.
Co poco se vive, co gnente se more.
Co' i nasse i xe tuti bei, co' i se marida i xe tuti siuri, co' i more i xe tuti boni.
Co' more el vecio la casa se desfa.
Co' se sta ben se more.
I veci porta la morte davanti e i zòvani de drio.
L'ultimo abito ch'i ne fà l'è senza scarsèle.
L'ultimo che more de fame xe 'l munaro.
La morte del lovo xe la salute dele piègore.
La morte no ga lunario.
La morte xe senpre pronta, come le tole dei osti.
La tosse xe 'l tanburo dela morte.
Morire xe l'ultima capèla che se fà.
Morto on papa se ne fà 'nantro.
Tute le robe storte le fà drite la morte.
Tuti i ossi torna al so logo.
Tuti nasse pianzendo, nissun more ridendo.
Ai Morti e ai Santi i corvi sbandona i monti e i vien a pascolare ai canpi.
Al dì d'i morti la neve xe ale porte.(2/11)
Canpanon a bonora, la xe na trista sagra.
Co' se xe morti, San Michele pesa le àneme e i preti i candeloti.
El morto in cassa, el vivo se la spassa.
I morti verze i oci ai vivi.
Mèjo piànzarli morti inocenti che vivi delinquenti.
Nadale col mandolato, i Morti co la fava, Pasqua co la fugazza.
Omo vivo pagarà, omo morto ga pagà.
Par i Santi, neve sui canpi; par i Morti, neve sui orti.
Xe mejo ‘ndare in paradiso strazà che al’inferno in abito ricamà.
NOSE
A San Roco le nose le va in scroco.(16/8)
A Sant'Ana le nose va in tana.
A Santa Crose, pan e nose.(14/9)
A Santa Madalena la nosa xe piena.(22/7)
De nose on saco, ma no pì de na fémena par casa.
Dopo la crose na pèrtega par le nose.
Nose e done no se sa quale che sia bone.
Nose e pan, magnare da can.
Nose e pan, pasto da vilan.
Pan e nose xe on magnare da spose.
Par San Lorenzo la nosa xe fata.
Quando piove par la Crose, bon el gran, triste le nose.
Se piove ai primi de Majo, nose e fighi fà bon viajo.
Se piove el dì de Santa Crose el fà cascare le nose.
Tèndare le tose e bàtare le nose xe tenpo perso.