LA MADONNA DELL'APPARIZIONE (PELLESTRINA)
La mia relassion
su la Madona Dell’Aparission
la prima roba che ho fato, mò informà
dai noni da parte de mia mama e de mio papà
sulla nostra isola la vita se doveva guadagnare
co la pesca in laguna, coltivando l’orto e i marinai per mare,
a bordo le barche per fede e tradission
no podeva mancare l’imagine della Madona come protession,
xe probabile che una de ste imagini de arte bisantina
a causa de qualche naufragio la xe’nda a torsio verso Pellestrina,
la xente che l’ha recuperà
in cieseta de San Vio l’ha portà,
la xe cossì bela coi i oci bassi e la boca soridente
sempre stà meta de preghiera per tanta xente.
El popolo del litorale sempre molto religioso
ghe attribuisse anche qualche fatto miracoloso:
una mamma tanto povereta coi fioi che no aveva niente da magnare
da tanta disperassion l’ha pensà de andarse a negare,
la xe’nda in cieseta dalla madonna per l’ultima orassion
e per affidarghe i fioi alla soa protession,
mentre la pregheva per i so fantolini
la sente arente i piei cascare do zecchini,
al bruto gesto la dona gà ripensà
e la famegia per qualche tempo xe stà sfamà.
Fra i fatti miracolosi accertai
le guarigioni de tanti malai,
come un xovene squeraiolo ciosotto causa incidente
a xe cascà sul braso sul seciodella pegola ardente,
el fio aveva tanto male
e a ciosa no ghe gera ospeale,
e co la batela a vogando
i lo porteva a Venessia in ospeale grando,
passando per la ceseta de San Vio i s’ha fermà a dire un orassion
e xe stà da là che scominsià la guarigion.
Ma el miracolo più importante che s’ha verificà
xe stà el 4 Agosto de 300 anni fa:
un xovenetto che se ciameva Nadalin
che gera drio andare a messa de bon mattin,
passando per la ceseta de San Vio
a trovare una bella signora che ghe dise: “vien qua caro fio“
e parlando col dialetto de Pellestrina
la g’ha dito la cristianità risce la rovina,
el pericolo rive dal mare
vai a dirghe al Piovan che bisogna pregare,
che xe stà la Madonna a darte sto segno
e te lo digo a ti che ti xe degno,
el Piovan sa dà subito da fare
e tutti gli isolani sa messo a pregare,
lo stesso giorno su l’isola de Corfù i soldati venessiani
molto inferiori in omeni e armi
a avuo na vittoria insperata
e i ha fatto battere i turchi in ritirata
co l’aiuto della Madona e de la xente che ha pregà,
xe stà salva Venessia e tutta la cristianità
perfin el Papa se gà pronuncià
e sto miracolo xe sta approvà
cossì el doge riconoscente da tanta devossion
l’ha dedicà el novo tempio alla Madona dell’ Apparission
a perenne memoria delle nove generassion.
Valentina Vianello
